धनगढी। सुदूरपश्चिममा मंगलबार थप ४३ जनामा कोरोना संक्रमण पुष्टि भएको छ। प्रदेशका विभिन्न जिल्लाका ८ सय २० जनाको कोरोना परीक्षण गर्दा थप ४३ जनामा कोरोना पुष्टि भएको स्वास्थ्य निर्देशनालय डोटीले जनाएको छ । यस्तै पछिल्लो २४ घण्टामा २० जना संक्रमणमुक्त भएका छन् । सेती प्रादेशिक अस्पतालमा १ सय ९१ नमुना परीक्षण गर्दा २८ जनामा र महाकाली अस्पतालमा १६ जनाको नमूना परीक्षण गर्दा १ जनामा कोरोना संक्रमण पुष्टि भएको स्वास्थ्य निर्देशनालय डोटीले जनाएको छ। यस्तै डडेल्धुरा अस्पतालमा ६ जनाको नमुना परीक्षण गर्दा कसैमा पनि संक्रमण पुष्टि नभएको स्वास्थ्य निर्देशनालय जनाएको छ। मंगलबार सुदूरपश्चिममा कोरोनाबाट मृत्यु हुनेको संख्या शुन्य रहेको जनाइएको छ।
