धनगढी। सेती प्रादेशिक अस्पतालको प्रयोगशालामा गरिएको कोरोना परिक्षणबाट थप १७ जनामा संक्रमण पुष्टि भएको छ । अस्पतालको प्रयोगशालामा १ सय ६९ जनाको नमुना परिक्षण गरिएकोमा थप १७ जनामा कोरोना संक्रमण पुष्टि भएको अस्पतालका सुचना अधिकारी दिलीप कुमार श्रेष्ठले जानकारी दिए। सो नमुना परिक्षण गर्दा १ सय ५२ जनाको रिपोर्ट नेगटिभ आएको छ। हाल अस्पतालमा २३ जना कोरोना संक्रमित बिरामी उपचाररत छन्। यस्तै पछिल्लो २४ घण्टामा १० जना कोरोना संक्रमित बिरामी निको भई घर फकिएकोमा थप ४ जना बिरामी अस्पतालमा भर्ना भएको सुचना अधिकारी श्रेठले जानकारी दिए। यस्तै अस्पतालको आइसियुमा ६ जनाको उपचार भैरहेको छ भने ३ जनाको भेन्टिलेटरमा उपचार भैरहेको छ । यस्तै पछिल्लो २४ घण्टामा कुनैपनी कोरोना संक्रमित बिरामीको मृत्यु नभएको अस्पतालले जनाएको छ ।
