धनगढी। पछिल्लो २४ घण्टामा सेती प्रादेशिक अस्पतालको प्रयोगशालामा ४८ जनामा कोरोना संक्रमण पुष्टि भएको छ । अस्पतालको प्रयोगशालामा २६९ नमूनाको परीक्षण गर्दा ४८ जनामा संक्रमण पुष्टि भएको अस्पतालका सूचना अधिकारी दिलिपकुमार श्रेष्ठले जानकारी दिए। यस्तै २२१ जनाको रिपोर्ट निगेटिभ आएको छ । हाल अस्पतालमा २४ जना संक्रमित बिरामी उपचाररत छन्। यस्तै पछिल्लो २४ घण्टामा अस्पतालबाट ५ जना डिस्चार्ज भएका छन् भने थप ४ जना नयाँ संक्रमित भर्ना भएका छन्। ३ जना आईसीयू, १३ जनाको अक्सिजन सर्पोटरमा उपचाररत छन भने ८ जनाको अवस्था भने सामान्य रहेको छ । पछिल्लो २४ घण्टामा कुनैपनी कोरोना संक्रमित बिरामीको मृत्यु नभएको अस्पतालले जनाएको छ ।
