धनगढी। बुधबार सेती प्रादेशिक अस्पतालको प्रयोगशालामा २८ जनामा कोरोना भाइरस परीक्षण पुष्टि भएको छ । अस्पतालको प्रयोगशालामा १११ नमूनाको परीक्षण गर्दा २८ जनामा संक्रमण पुष्टि भएको अस्पतालका सूचना अधिकारी दिलिपकुमार श्रेष्ठले जानकारी दिए । यस्तै ८३ जनाको रिपोर्ट निगेटिभ आएको छ । हाल अस्पतालमा २२ जना संक्रमित उपचाररत छन्। पछिल्लो २४ घण्टामा अस्पतालबाट ३ जना निको भई घर फर्किएकोमा थप ४ जना अस्पतालमा भर्ना भएका छन्। यस्तै ६ जनाको आइसियुमा उपचारर भैरहेको छ भने २ जनाको भेन्टिलेरमा राखेर उपचार भएको जनाइएको छ । पछिल्लो २४ घण्टामा कुनैपनी कोरोना संक्रमितको मृत्यु नभएको अस्पतालले जनाएको छ ।
