धनगढी । अनसनरत डा।गोविन्द केसीसँग वार्ता गर्न शिक्षा मन्त्रालयका सचिव चूडामणि पौडेल धनगढी पुगेका छन्। शिक्षा तथा खेलकुद मन्त्री सस्मित पोखरेलको निर्देशनमा सचिव पौडेल धनगढी गएका हुन्।
शिक्षा तथा खेलकुद मन्त्री पोखरेलले शुक्रवार साँझ डा।केसीसँग टेलिफोन संवाद गरेका थिए। त्यसलगत्तै वार्तामार्फत अनशनको निकास खोज्ने उद्देश्यले सचिव पौडेललाई धनगढी पठाइएको हो।
प्रधानमन्त्रीका स्वास्थ्य सल्लाहकार डा। जेपी अग्रवाल र स्वास्थ्य सचिव पनि आइतबार धनगढी पुगेर डा.केसीसँग संवाद गर्ने कार्यक्रम रहेको छ। सरकारले वार्तामार्फत डा। केसीको अनशनको सहमतिपूर्ण निकास खोज्ने प्रयासलाई तीव्र बनाएको छ ।
