बझाङ। बझाङको तल्कोट गाउँपालिकामा जिप दुर्घटना भएको छ। जिल्लाको तल्कोट गाउँपालिका वडा नम्बर ५ बाबै पातलमा से १ ज ९०९ नम्बरको जिप दुर्घटना भएको हो। जिप दुर्घटनामा २ जना घाईते भएका छन्।
प्रदेश ट्राफिक प्रहरी कार्यालयका अनुसार तल्कोट गाउँपालिका ३ का ७२ बर्षिय लेडे बोहरा र सोही ठाउँकी ९० बर्षीया झुफ्रि आग्री घाईते भएका छन्। जिपमा पनी क्षती पुगेको जनाइएको छ। उनीहरुको स्थानीय अस्पतालहरुमा उपचार भैरहेको छ। रुखले गर्दा जीप अडिएर थप मानवीय क्षती हुन रोकिएको स्थानीयले जानकारी दिएका छन्।
