दार्चुला। दार्चुला प्रतिनिधिसभा क्षेत्रमा नेपाली काँग्रेस तथा गठबन्धनका उम्मदवार दिलेन्द्रप्रसाद बडूले अग्रता लिएका छन् । ४८ हजार ५६ मत गणना हुँदा गठबन्धनका उम्मदवार बडूले २३ हजार ८०० मतसहित अग्र स्थानमा छन् ।
यस्तै एमालेका उम्मेदवार गणेश सिंह ठगुन्नाले २२ हजार १२४ मत ल्याएर दोस्रो स्थानमा छन् । बडू र ठगुन्ना बिच १६७६ मतान्तर छ । राप्रपाका हलो चुनाव चिन्ह लिएर उम्मेदवार बनेका नरेन्द्रसिंह धामीले ३ सय २६ मत ल्याएका छन् । मतपरिणाम अनुसार मादलले ६७ मत, ढकियाले ६० मत, तिरले ११ मत प्राप्त गरेका छन् । यस्तै खुकुरी २९,लाटोकोसेरो ४०, घण्टी १५४ मत प्राप्त गरेका छन् । यस्तै १४४५ मत बदर भएका छन् । कुल ४६६११ मत सदर छन् ।
