धनगढी। सुदूरपश्चिम प्रदेशको मुख्यमन्त्री अब खगराज भट्ट नै हुने नेपाली काँग्रेसका सभापति तथा प्रधानमन्त्री शेरबहादुर देउवाले बताएका छन् । देउवाले आइतबार डडेल्धुराको जोगबुढामा आयोजित चुनावी सभालाई सम्बोधन गर्दै अब गठबन्धनको मुख्यमन्त्री हुने बताएका हुन् ।
गठबन्धनको तर्फबाट डडेल्धुराबाट प्रदेश सभा सदस्यका लागि साझा उम्मेदवार रहेका नेकपा माओवादी केन्द्रका नेता खगराज भट्टलाई अबको मुख्यमन्त्री हुने दाबी देउवाले गरेका हुन् ।डडेल्धुराको जोगबुढामा आयोजित चुनावी सभालाई सम्बोधन गर्दै उनले भने‚ ‘अबको सुदूरपश्चिमको मुख्यमन्त्री खगराज भट्ट नै हो। मेरो पार्टीले भनिहाल्यो अबको मुख्यमन्त्री भट्ट नै हुन्‚ तपाईंहरू जिताएर पठाउनुस्।’
यसअघि उनलाई त्यहाँ ३२ किलोको माला पहिराएर सम्मान गरिएको थियो। संयुक्त लोकतान्त्रिक-वाम गठबन्धन परशुराम नगरपालिकाले आइतबार जोगबुढामा देउवालाई ३२ किलोको माला पहिराएर सम्मान गरेको हो। देउवालाई ३२ बुँदे मागसहित ३२ किलोको माला लगाइ सम्मान गरिएको गठबन्धन डडेल्धुराले जनाएको छ। देउवा चुनावी सभालाई सम्बोधन गर्न यहाँ आएका हुन्। उनले आइतबार आलिताल गाउँपालिकाको सभालाई सम्बोधन गरेका थिए।(भिडियोसहित तल हेर्नुहोस् )
