बझाङ। बझाङमा ट्याक्टर दुर्घटना हुँदा एक जनाको मृत्यु भएको छ। बझाङको बित्थडचिर गाउँपालिका वडा नम्बर २ मा ट्याक्टर दुर्घटना हुँदा चालक २३ वर्षीय करन बोहराको मृत्यु भएको हो । शनिबार सु प प्र ०१–००२ प ४९३० नम्बरको ट्याक्टर दुर्घटनामा २ जना घाइते भएका थिए।
सोही ठाउँका चालक करन बोहरा, २८ वर्षीय निरज बोहरा घाइते भइ डडेल्धुरा अस्पताल रेफर गरिएको थियो। बोहराको उपचारका क्रममा चालक मत्यु भएको प्रहरीले जनाएको छ। ट्याक्टर सडकभन्दा ३०० मिटर तल खसेको थियो। जिल्ला प्रहरी कार्यलय बझाङले घटना बारे थप अनुसन्धान भइरहेको बताएको छ।
