डडेल्धुरा। डडेल्धुरामा बेपत्ता किशोर किरण पाठक मृत फेला घटनाको अनुसन्धानको माग गर्दै जाहेरी परेको छ । शनिबारदेखि बेपत्ता रहेका अमरगढी नगरपालिका वडा नम्बर ५ स्थित सिलिङधारा घर भएका पाठक मंगलबार अमरगढीकै मौरडा गाउँ तल रहेको हामफाल्ने तालमा मृत फेला परेका थिए।
जिल्ला प्रहरी कार्यालय डडेल्धुरामा घटनाको अनुसन्धान गर्नुपर्ने माग गर्दै जाहेरी परेको जिल्ला प्रहरी कार्यालय डडेल्धुराका प्रमुख, प्रहरी नायब उपरीक्षक मनोहरप्रसाद भट्टले जानकारी दिए । पाठकको शव खोलामा डुबेको अवस्थामा भेटिएको प्रहरीले जनाएको छ। जिल्ला जिल्ला प्रहरी कार्यालय डडेल्धुराले जाहेरी परेको र प्रहरीले अनुसन्धान गरिरहेको जनाएको छ। यस्तै डडेल्धुरा अस्पतालमा पोष्टमार्टमपछि किशोरको शव आफन्तलाई बुझाइएको र पोष्टमार्टमको रिपोर्ट आउन बाँकी रहेको जनाएको छ।
