दार्चुला। दार्चुलाको चमेलिया नदीमा खसेर एक पुरुष बेपत्ता भएका छन्। दार्चुला शैल्यशिखर नगरपालिका ९ गोकुलेश्वर स्थित पुलबाट खसेर एक पुरूष बेपत्ता भएको स्थानीय कालू चन्दले जानकारी दिए।
आज सोमबार दिउँसो उक्त पुलको मध्य भागबाट नदीमा खसेका पुरुषको पहिचान खुल्न बाँकी रहेको छ। उनको अवस्था अज्ञात रहेकाले घटनास्थलमा इलाका प्रहरी कार्यालय गोकुलेश्वर, जिल्ला प्रहरी कार्यालय दार्चुलासहित बैतडीबाट पनी प्रहरी परिचालन भई खोजी भैरहेको छ। यस अघि गत भदौमा गोकुलेश्वर स्थित पुलबाट एक पुरुष खसेर घाईते भएका थिए।
