कञ्चनपुर। कञ्चनपुरको भिमदत्त नगरपालिका-१९ बाट १० जना जुवाडे पक्राउ परेका छन । सोमबार बिहान भिमदत्त नगरपालिका – १९ बागफाटाका मिट्ठु रानाको घर पछाडी जुवा खेलिरहेको अवस्थामा १० जना पक्राउ परेको प्रहरीले जनाएको छ ।
गोप्य सुचनाको आधारमा छापा हानेको प्रहरीले उनीहरुको साथबाट १ लाख ५ हजार ४ सय र ४ गड्डी तास बरामद गरेको जनाएको छ। पक्राउ पर्नेमा भीमदत्त नगरपालिका-१९ का जय बहादुर महरा, दानी राना, कैलाश राना, हिरु राना, बेदकोट नगरपालिका-३ का सागर बिष्ट, भीमदत्त नगरपालिका-१४ का शेर बहादुर कुँवर, भीमदत्त नगरपालिका-४ का प्रकाश भट्ट छन् । यस्तै
बेदकोट नगरपालिका-१० का तिलक बैज, भीमदत्त नगरपालिका-१८ का ओम प्रकाश पनेरु, र बैतडीको मेलौलि नगरपालिका-२ का प्रकाश चन्द रहेको जिल्ला प्रहरी कार्यालय कञ्चनपुरले जनाएको छ । उनीहरुलाई नियन्त्रणमा लिएर ५ दिनको म्याद थप गरि अनुसन्धान भइरहेको प्रहरीले जनाएको छ ।
