कैलाली। कैलालीमा ४ जना हतियार सहित पक्राउ परेका छन् । बुधवार राति जिल्लाको लम्कीचुहा नगरपालिका वडा नम्बर १ भुरुवाबाट हातहतियार र गोलीगट्ठासहित उनीहरु पक्राउ परेका हुन्।
पक्राउ पर्नेमा अर्जुन बिक, रामचन्द्र चौधरी ,नरेश डगौरा र सचिन चौधरी रहेको इलाका प्रहरी कार्यालय लम्कीले जनाकारी दिएको छ । उनीहरूको साथबाट प्रहरीले प्वाइन्ट २२ हर्नेट (बन्दुक), म्यागेजिन, गोली, बारुद बरामद गरेको छ ।
लम्की प्रहरीको गस्तीमा खटिएको टोलीले कुन्तीखेत जाने बाटोको छेउमा बसेको अवस्थामा उनीहरूलाई खानतलासी गर्दा उनीहरूको साथबाट हतियार तथा त्यसमा प्रयोग हुने गोली बरामद गरेको हो । उनीहरूलाई नियन्त्रणमा लिई अनुसन्धान थालिएको प्रहरीले जनाएको छ। उनीहरूलाई नियन्त्रणमा लिई अनुसन्धान भइरहेको जिल्ला प्रहरी कार्यालय कैलालीका प्रहरी निरीक्षक सन्तोष बस्यालले जानकारी दिए ।
