धनगढी : ८ ग्राम खैरो हिरोइन सहित कैलालीबाट एक जना भारतिय नागरिक पक्राउ परेका छन् । कैलालीको टिकापुर नगरपालिका ९ खक्रौला भन्सार नजिकबाट सुदूरपश्चिम प्रदेश प्रहरी ब्यरो (RIT) टोलीले खैरो हिरोइन सहित भारतिय नागरिकलाई पक्राउ गरेको हो । प्रदेश प्रहरी ब्युरो टोली ईन्चार्ज डेनी स्वाँरको टोली र खक्रौला चौकीको संयुक्त टोलीले खैरो हिरोइन सहित भारतिय नागरिकलाई पक्राउ गरेको हो ।

टोलीले अन्दाजी ५१ बर्षिय भारतिय नागरिक ओमलाई पक्राउ गरी इलाका प्रहरी कार्यालय टिकापुरलाई बुझाएको छ । आज अपह्रान्न पौने ५ बजेको समयमा लुकाई छिपाई ल्याइरहेको अवस्थामा चेकजाँच गर्दा भारतिय नागरिक ओमको साथबाट ८ ग्राम खैरो हिरोइन जस्तो देखिने बस्तु बरामद गरेको र थप अनुसन्धान भइरहेको प्रहरी श्रोतले बताएको छ ।