कञ्चनपुर। कञ्चनपुरबाट लागूऔषधसहित २ जना पक्राउ परेका छन्। भीमदत्त नगरपालिका—१८ सालघारी क्षेत्रबाट लागूऔषध खैरो हेरोइनसहित २ जना पक्राउ परेका हुन्। भीमदत्त १८ सालघारीका कमलेश गिरीको साथबाट १.९७ ग्राम र सोही ठाउँका पंकज चन्दको साथबाट ०.९४ ग्राम गरी जम्मा ३ ग्राम खैरो हेरोइनसहित उनीहरुलाई पक्राउ गरिएको हो।
उनीहरुको साथबाट ३२ हजार ६ सय ३५ नेपाली रुपैयाँ पनि बरामद गरिएको जिल्ला प्रहरी कार्यालय कञ्चनपुरले जनाएको छ। जिल्ला प्रहरी कार्यालयका डिएसपी प्रकाश डाँगीका अनुसार उनीहरुको साथबाट ३ थान मोबाईल सेट, ३ थान पटाका पनि बरामद गरिएको छ।उनीहरुलाई पक्राउ गरि थप अनुसन्धान कार्य भई रहेको प्रहरीले जनाएको छ।
