कैलाली। कैलालीको टीकापुरबाट चरेश सहित २ जना पक्राउ परेका छन । टीकापुर नगरपालिका – १ वन कार्यालय नजिकैको सडक खण्डबाट प्रहरीले चरेश सहित कञ्चनपुरको कृष्णपुर नगरपालिका – ५ गुलरीयाका २७ बर्षीय पुष्पराज जैशी र सोही ठाउँका २३ बर्षीय डेनी प्रसाद जोशी पक्राउ परेका हुन ।
उनीहरुको साथबाट ८०० मिलिग्राम लागु औषध चरेश फेला पारेको इलाका प्रहरी कार्यालय टीकापुरले जनाएको छ । ईलाका प्रहरी कार्यालय टीकापुरबाट खटिएको प्रहरी चेकिङ्ग टोलीले पुष्पराजले चलाएको म २ प ८६७८ नम्बरको मोटरसाईकल चेकजाँच गर्दा सोही मोटरसाईकल पछाडी सवार डेनीको ज्याकेटको खल्तीमा उक्त चरेश फेला पारेको जनाएको छ । पक्राउ परेका दुवै जनामाथि थप अनुसन्धान भइरहेको प्रहरीले जनाएको छ ।
