धनगढी। कैलालीको गोदावरीमा स्कारपियो दुर्घटना हुँदा एक जनाको मृत्यु भएको छ। कैलालीको गोदावरी नगरपालिका ५ गेटा ट्राफिक पोस्ट नजिकै बा १५ च ४६३७ नम्बरको स्कारपियो दुर्घटना हुँदा एक जनाको मृत्यु भएको प्रहरीले जनाएको छ।

सुदूरपश्चिम प्रदेश ट्राफिक प्रहरी कार्यालय अत्तरियाका अनुसार धनगढी वडा नं ११ बेलाका ७० वर्षिय भोजराज भट्टको मृत्यु भएको हो। स्कारपियोमा सवार अन्य ५ जना घाईते भएका छन। घाईते हुनेमा दार्चुलाको शैल्यशिखर नगरपालिका वडा नं २ का ४२ वर्षिय चालक तेज बहादुर पाल रहेका छन् । यस्तै

धनगढी उपमहानगरपालिका वडा नं. ६ मटयारीका ४२ वर्षिय भरत बहादुर चन्द, सोही ठाउँका ४८ वर्षिय बसन्त बहादुर चन्द, ३६ वर्षिया निलम चन्द र ३६ वर्षकै अनु खाण चन्द रहेको प्रहरीले जनाएको छ। घाईते सबैको माया मेट्रो अस्पताल धनगढीमा उपचार भैरहेको छ। हरिद्धारबाट आएको उक्त स्कारपियो आफै अनियन्त्रीत भएर दुर्घटना भएको बताईएको छ। घटनाका सम्बन्धमा थप अनुसन्धान भैरहेको प्रहरीले जनाएको छ।