धनगढी। कैलालीको एक गोठमा आगलागी हुँदा गाई र बाख्रा जलेर मरेका छन्। कैलाली गोदावरी नगरपालिका-१२ ओलानीको कालीका टोलस्थीत एक गोठमा आगलागी हुँदा गोठ पूर्णरुपमा नष्ट भएको छ।

देउसरी तिरुवाको उक्त गाई गोठमा आगलागी हुँदा एक गाई र एक बाख्रा जलेर मरेका छन्। जिल्ला प्रहरी कार्यालय कैलालीका प्रहरी निरीक्षक खगेन्द्र साउँदले शुक्रबार अपराह्र चार बजेको समयमा गोठमा आगलागी भएको बताए । गोठमा बिजुलीको तार सट भई आगलागी भएर एक गाई र एक बाख्रा जलेर मरेका बताए। आगलागी भएको करिब आधा घण्टापछि स्थानीय र प्रहरीले आगो नियन्त्रणमा लिएको उनले बताएका छन्।