कञ्चनपुर। कञ्चनपुरमा लागुऔषधसहित तीन जना पक्राउ परेका छन्। शनिवार ईलाका प्रहरी कार्यालय झलारी र अस्थायी प्रहरी पोष्ट बन्साहबाट खटिएको प्रहरी गस्ती टोलीले लागुऔषधिसहित तीन जनालाई पक्राउ गरेको हो। शुक्लाफाटा नगरपालिका–१२ जाई जाने भित्री बाटोबाट वडा नम्बर १० का टेक गौतम, सोहि स्थानका कृष्ण राना र बेलौरी नगरपालिका–९ का प्रदिप चौधरी लागुऔषधसति पक्राउ परेका छन्।
से२ प ५५१३ नम्बरको मोटरसाईकलमा सवार उनीहरुलाई शंका लागी चेकजांच गर्ने क्रममा ३ दशमलव ११ ग्राम लागुऔषध ब्राउनसुगर भेटिएको जिल्ला प्रहरी कार्यालय कञ्चनपुरले जनाएको छ। पक्राउ परेका तीन जनासहित मोटरसाईकल नियन्त्रणमा लिई थप अनुसन्धान कार्य भई रहेको जिल्ला प्रहरी कार्यालय कञ्चनपुरले जनाएको छ।
