डडेल्धुरा। डडेल्धुराको परशुराम नगरपालिकामा भएको जीप दुर्घटना भएको छ। कञ्चनपुरको दैजीबाट डडेल्धुराको रुपालतर्फ जाँदै गरेको म १ ज २३८ नम्बरको जीप डडेल्धुराको परशुराम नगरपालिका–३ मट्यौलामा सोमबार दिउसो दुर्घटनामा परेको हो । जिप दुर्घटना हुँदा एक जनाको घटनास्थलमै मृत्यु भएको छ। मृत्यु हुनेमा डडेल्धुराको भागेश्वर गाउँपालिका-२ का ५५ वर्षीय बाशुदेवी तिरुवा रहेकी छिन्। ब्याक गर्ने क्रममा मोडमा

जीप दुर्घटना भएको जिल्ला प्रहरी कार्यालय डडेल्धुराका प्रहरी नायब उपरीक्षक मनोहर भट्टले बताए। जिपमा चालकसहित ११ जना यात्रु सवार थिए। केही यात्रु सामान्य घाइते छन्। इलाका प्रहरी कार्यालय जोगबुढाका अनुसार सडकमा ब्याक गर्ने क्रममा जिप दुर्घटना भएको थियो। जिपमा च्यापिएर तिरुवाको मृत्यु भएको हो। मृतकको शव पोष्टमार्टमका लागी जोगबुढा अस्पतालमा लगिएको छ। घटनाका सम्बन्धमा थप अनुसन्धान भैरहेको प्रहरीले जनाएको छ।