कञ्चनपुर। कञ्चनपुरबाट प्रहरीले लागुऔषधसहित १ जनालाई पक्राउ गरेको छ। मंगलबार साँझ ६ बजेको समयमा जिल्ला प्रहरी कार्यालय कञ्चनपुर मातहत ईलाका प्रहरी कार्यालय झलारीबाट खटिएको प्रहरी गस्ती टोलीले शुक्लाफाँटा नगरपालीका ४ बाट एक जनालाई पक्राउ गरेको हो।

कञ्चनपुर शुक्लाफाँटा नगरपालीका वडा नम्बर ४ असैनाका महेश डगौरालाई पक्राउ गरिएको जिल्ला प्रहरी कार्यालय कञ्चनपुरका डिएसपी प्रकाश डाँगीले जानकारी दिए। चेकजाँचको क्रममा शंका लागि चेकजाँच गर्दा ० दशमलव ८८ ग्राम लागुऔषध खैरोहिरोईन बरामद गरिएको छ। डगौरालाई पक्राउ गरि थप अनुसन्धान कार्य भईरहेको डिएसपी डाँगीले बताएका छन्।