धनगढी। धनगढी उपमहानगरपालीका वडा नम्बर ७ बाट लागुऔषध सहित एक जना पक्राउ परेका छन्। आईतबार प्रदेश प्रहरी कार्यालय धनगढीबाट खटिएको आरआइटि टोलीले धनगढी उपमहानगरपालीका वडा नम्बर ७ बाट लागुऔषध खैरो हिरोईनसहित धनगढी ४ का २६ बर्षिय अछ्य चौधरीलाई पक्राउ गरेको कैलाली प्रहरीले जनाएको छ।
जिल्ला प्रहरी कार्यालय कैलालीका प्रहरी निरीक्षक खगेन्द्र साउँदका अनुसार आईतबार साँझ साढे ५ बजे धनगढी उपमहानगरपालिका ७ थारु छत्राबास नजिकबाट उनलाई पक्राउ गरिएको हो। चेकजाँचका क्रममा उनको साथबाट ८ ग्राम खैरो हिरोईन बरामद गरिएको छ। बरामद गरिएको उक्त लागुऔषध खैरो हिरोईनसहित पक्राउ परेका चौधरीलाई जिल्ला प्रहरी कार्यालय कैलालीमा थप अनुसन्धान कार्य भईरहेको प्रहरी निरीक्षक साउँदले जानकारी दिएका छन्।
