काठमाडौँ। नागरिक उन्मुक्ति पार्टीबाट कैलाली क्षेत्र नम्बर २ बाट प्रतिनिधि सभामा विजयी अरुण चौधरी पक्राउ परेसँगै सांसद पदबाट निलम्बित भएका छन्। कैलाली अदालतले फरार सुचीमा राखेका उनलाई प्रहरीले आज बाँकेबाट पक्राउ गरेको हो।
चौधरी पक्राउ परेसँगै सांसद पदबाट निलम्बित भएको संसद सचिवालयका एक अधिकारीले बताए । ट्याक्टरमा आगजनी मुद्दामा करिब १० वर्ष बढी समयदेखि फरार रहेका चौधरीलाई आज बाँकेको कोहलपुरबाट पक्राउ गरेको हो । चौधरी पक्राउ परेको सूचना प्रहरीले संसद सचिवालयलाई जानकारी गराएपछि उनको पद स्वतः जाने संसद सचिवालयका ति अधिकारीले जानकारी दिए। उनका अनुसार बिहीबार नै संसदलाई चौधरी पक्राउ परेको सूचना दिइसकिएको छ। अब संसदले उनी निलम्बन परेको सूचना टाँस गर्नेछ। यदि संसद बैठक बस्दैछ भने बैठकमै निलम्बन भएको सूचना सभामुख देवराज घिमिरेले सुनाउने उनले भने । साँसद पद स्वत निलम्बन हुने र कैद भुक्तान गरेपछि पुनः सांसद रहन सक्नुपनि हुन्छ उनले भने ।
नेपालको संविधान २०७२ को धारा १०३ मा संघीय सांसदलाई विशेषाधिकारको व्यवस्था रहेको उल्लेख छ।तर, त्यही धाराको उपधारा ६ मा भने संघीय संसदको कुनै पनि सदस्यलाई अधिवेशन बोलाइएको सूचना जारी भएपछि अधिवेशन अन्त्य नभएसम्मको अवधिभर पक्राउ गरिने छैन भन्ने उल्लेख छ।तर, कुनै फौजदारी अभियोगमा कुनै सदस्यलाई संघीय कानून बमोजिम पक्राउ गर्न यस उपधाराले बाधा पु¥याएको मानिने छैन।त्यसरी कुनै सदस्य पक्राउ गरिएमा पक्राउ गर्ने अधिकारीले त्यसको सूचना सम्बन्धित सदनको अध्यक्षता गर्ने व्यक्तिलाई तुरुन्त दिनु पर्नेछ।
यदि अदालतमा मुद्दा परेको खण्डमा सांसद पद नै खारेज हुनसक्ने सम्भावना पनि छ।अदालतले यसरी केही सांसदको पद खारेज गरिदिएको नजिर छ। अदालतले सांसद पद नै खारेज गरे उपनिर्वाचन हुनसक्छ।नागरिक उन्मुक्ति पार्टीबाट निर्वाचित भएका चौधरीले एमालेका चर्चित नेता झपट रावललाई ५७४३ मत अन्तरले पराजित गरेका थिए।चौधरीले २१ हजार ७१ मत प्राप्त गरे । एमालेका रावलले १६ हजार १२ मत प्राप्त गरे।२०६६ मा स्थानीय महादेव बजगाईंको ट्र्याक्टरमा आगो लगाएको कसुर कैलाली अदालतको थियो । चौधरी ट्र्याक्टर आगाजनीको मुद्दामा २०७० सालमा दोषी ठहर भइ जेल सजाय नभोगेर ‘फरार सूचीमा थिए। उनी लगायत ३ जनालाई अदालतले बिगोसहित ६ महिना कैदको फैसला सुनाएको थियो। उनीलगायत पर्शुराम चौधरी र वीरबहादुर चौधरी दोषी पाइएको कैलाली जिल्ला अदालतले ठहर गरेको थियो।यस्तो छ अदालतको फैसला