धनगढी। कञ्चनपुरको पुनर्वासबाट ६ जना जुवाडे पक्राउ परेका छन् । कञ्चनपुर पुनर्वासस्थीत डोकेबजार नजिकैबाट कुखुरा खोरमा जुवा खेलिरहेका ६ जना जुवाडे पक्राउ परेको प्रहरीले जनाएको छ।
आईतबार साँझडोकेबजार स्थित बिशाल चौधरीको पुरानो छोडेको कुखुरा खोरमा जुवातास खेलिरहेका छन्, भन्ने बिशेष सुचनाको आधारमा ईलाका प्रहरी कार्यालय त्रिभुवनबस्ती र प्रदेश प्रहरी कार्यालय धनगढी कैलालीबाट आरआईटी संयुक्त प्रहरी टोली खटिएको थियो। ईलाका प्रहरी कार्यालय त्रिभुवनबस्तीका प्रहरी निरिक्षक नरेशराज मल्लले कुखुरा खोरमा जुवातास खेलिरहेका ६ जना जुवाडेलाई पक्राउ गरेको जानकारी दिए।
पक्राउ पर्नेमा कैलालीको गौरीगंगा नगरपालिका–११ शिवपुर बस्ने ४८ वर्षिय नर बहादुर धामी, धनगढी–३ बस्ने २९ वर्षिय सागर ऐर, २८ वर्षिय रमेश भाट, २४ वर्षिय भरत बहादुर माली, धनगढी–५, हसनपुर बस्ने ३४ वर्षिय कृष्ण जोशी र धनगढी–८ क्याम्पस रोड बस्ने ३४ वर्षिय दिनेश मल्ल रहेका छन्। प्रहरी टोलीले उनीहरुको साथबाट नगद रु ७१ हजार २२५, एक गड्डी तास, तीनवटा चटाई र एक कम्बल समेत नियन्त्रण लिइ पक्राउ गरेको हो । पक्राउ परेका उनीहरुमाथी थप अनुसन्धान भैरहेको प्रहरीले जनाएको छ ।
