कञ्चनपुर। विमान दुर्घटनामा ज्यान गुमाएका कञ्चनपुरका आमा छोराको आज महाकालीमा दाहसंस्कार गरिएको छ। कास्कीको पोखरामा भएको यती एयरलाइन्सको विमान दुर्घटनामा कञ्चनपुर भीमदत्त नगरपालिका–४ का सुष्मा भट्ट र उनका कान्छा छोरा श्लोकको मृत्यु भएको थियो।
आज शनिबार महाकाली आर्यघाटमा हिन्दु परम्परा अनुसार उनीहरुको दाहसंस्कार गरिएको पारिवाररिक स्रोतले जनाएको छ। विमान दुर्घटनामा ज्यान गुमाएका सुष्मा महेन्द्रनगरका व्यवसायी सञ्जिवचन्द्र भट्टकी श्रीमती हुन भने स्लक कान्छा छोरा हुन। काठमाडौंबाट घुमफिरका लागि पोखरा जाँदै गर्दा उनीहरु सवार विमान पोखरा विमानस्थल नजिक दुर्घटनाग्रस्त भएको थियो। सो दुर्घटनामा परेर कञ्चनपुर आमा–छोराको मृत्यु भएको थियो।काठमाडौंँबाट महेन्द्रनगर शव शुक्रबार बेलुका पुगेको थियो। गत आइतबार काठमाडौंबाट पोखरा जादै गर्दा उनीहरु सवार यती एयरलाइन्सको विमान पोखरा विमानस्थल नजिकै सेती खोँचमा दुर्घटनाग्रस्त भएको थियो। दुर्घटनामा चालक दलका ४ सहित ७२ जनाले ज्यान गुमाएका थिए।
