कञ्चनपुर। कञ्चनपुरको बेलडाँडी गाउँपालिका वडा नम्बर १ र २ बाट खैरो हेरोइनसहित तीन जना युवा पक्राउ परेका छन्। उनीहरु ३ जनालाई शुक्रबार दिउँसो प्रदेश प्रहरी कार्यालय धनगढी र इलाका प्रहरी कार्यालय बेलडाँडीबाट खटिएको प्रहरी टोलीले लागुऔषधखैरो हेरोइनसहित पक्राउ गरेको हो।
बेलडाँडी गाउँपालिका–१ थापाटोलस्थित सडकमा पैदल हिडिरहेको अवस्थामा सोही वडा बस्ने मनिष थापा र हेमन्त निरौला पक्राउ परेका हुन्। उनीहरुको साथबाट १ सय मिलिग्राम खैरो हेरोइन बरामद भएको प्रहरीले जनाएको छ।यस्तै बेलडाँडी गाउँपालिका वडा नम्बर २ बाट सोही वडाका मनमोहन सिंह साउँदलाई ४ दशमलव ३ सय ४० मिलिग्राम खैरो हेरोइनसहित पक्राउ गरिएको कञ्चनपुर प्रहरीले जानकारी दिएको छ । उनीहरु ३ जनालाई नियन्त्रणमा लिएर आवश्यक कारवाहीका लागि ईलाका प्रहरी कार्यालय बेलडाँडीमा राखिएको प्रहरी निरीक्षक दिपक पातलीले बताए। सो बारेमा थप अनुन्धान भैरहेको कञ्चनपुर प्रहरीले जनाएको छ।
