डडेल्धुरा। डडेल्धुरामा एक जना लागुऔषध चरेशसहित पक्राउ परेका छन्। प्रहरीले डडेल्धुराको अमरगढी नगरपालिका–१ ढुन्ढुनेका ५८ वर्षीय बिरबहादुर ऐरलाई पक्राउ गरेको हो । जिल्ला प्रहरी कार्यालय डडेल्धुराका अनुसार शनिबार बेलुकी अमरगढी नगरपालिका–१ ढुन्ढुनेस्थित कैलपाल किराना तथा चिया पसलमा लागु औषध (चरेश) रहेको भन्ने गोप्य सुचनाको आधारमा पक्राउ गरेको हो।

उनको साथबाट लागु औषध चरेश जस्तो देखिने कालो पदार्थ० ६.५४० किलोग्राम बरामद गरिएको छ। पसल तथा घर खानतलासी गर्दा खटिएको प्रहरी टोलीले उक्त पदार्थ फेला पारेको डडेल्धुराका प्रहरी नायव उपरीक्षक मनोहरप्रसाद भट्टले बताए। अहिले ऐरलाई हिरासतमा राखिएको छ । आज आइतबार जिल्ला अदालत डडेल्धुरामा पेश गरिने जनाइएको छ।