धनगढी। प्रधानमन्त्री एवं नेपाली कांग्रेसका सभापति शेरबहादुर देउवा धनगढीमा पुगेका छन्।भोलि गृहजिल्ला डडेल्धुरा र बैतडीमा हुने कार्यक्रममा सहभागी हुन देउवा आज (मंगरबार साँझ)धनगढीमा पुगेका हुन्। आज देउवा धनगढी बस्ने र भोलि डडेल्धुरा जाने रहेको कांग्रेस कैलाली सचिव नृप सुनारले जानकारी दिए।

मंसिर ४ गते हुन गइरहेको प्रतिनिधिसभा र प्रदेशसभा चुनावको प्रचारप्रसारका लागि देउवा फेरि सुदूरपश्चिम आएका हुन्। आज सुर्खेतको मेहलकुनामा आयोजित चुनावीसभालाई देउवाले सम्बोधन गरेका थिए। देउवाले भोलि डडेल्धुराका तीन क्षेत्र तथा बैतडीको एक क्षेत्रको चुनावी सभाको कार्यक्रमलाई सम्बोधन गर्ने कार्यक्रम छ। देउवाले बुधबार बिहान साढे ११ बजे अजयमेरु गाउँपालिकाको देवल पार्कको चुनावी सभा सम्बोधन गर्नेछन्। यसअघि पनि देउवा चार दिन चुनावी सभामा सहभागी हुन सुदूरपश्चिम आएका थिए।