कैलाली। कैलालीमा सशस्त्र प्रहरीले अवैध रुपमा भन्सार छली ल्याइएको सामान बरामद गरेको छ। सशस्त्र प्रहरी बल नेपाल नं. ३४ गण हेड क्वाटर कैलालीबाट खटिएको गस्ति टोलीले कैलाली गोदावरी-४ तेघरी ईलाकाबाट अवैध रुपमा भन्सार छली ल्याइएको सामान बरामद गरेको हो।
भारतबाट अवैध रुपमा भन्सार छली नेपालतर्फ ल्याई बेवारिसे अवस्थामा रहेको १ लाख १३ हजार ८० मुल्यका लेडिज सेन्डिल, चिनी, बिडी, चकलेट र पानपराग बरामद गरेको प्रहरीले जनाएको छ। बरामद गरीएका उक्त अवैध रुपमा भन्सार छलीका सामान आवश्यक कारवाहीको लागी कैलाली भन्सार कार्यालय त्रिनगरमा बुझाएको सशस्त्र प्रहरी बल नेपाल नं। ३४ गण हेड क्वाटर कैलालीले जनाएको छ ।
