कैलाली। कैलालीमा ट्रकको ठक्करबाट मोटरसाइकल चालकको मृत्यु भएको छ । कैलालीको भजनी नगरपालिका –६ नवलपुरस्थित भित्रि सडकखण्डमा ट्रकले मोटरसाइकललाई ठक्कर दिएको प्रहरीले जनाएको छ।

ना २ ख १३८१ नम्बरको ट्रकले बा ८६ प ३४८७ को मोटरसाइकललाई ठक्कर दिदा चालकको भजनी नगरपालिका–६ बस्ने २१ वर्षीय अविशेक चौधरीको घटनास्थलमै मृत्यु भएको जिल्ला प्रहरी कार्यालय कैलालीले बताएको छ। यस्तै मोटरसाइकल पछाडि सवार धिरेन्द्र चौधरी घाइते भएका छन्। ट्रक र चालक भजनी नगरपालिका–१ घर भएका सनम डगौरालाई प्रहरीले नियन्त्रणमा लिएको कैलालीका प्रहरी नायब उपरीक्षक वेदप्रकाश जोशीले बताए। घटनाबारे अनुसन्धान भइरहेको जिल्ला प्रहरी कार्यालय कैलालीले बताएको छ।