डडेल्धुरा प्रधानमन्त्री तथा नेपाली कांग्रेसका सभापति शेरबहादुर देउवासँग चुनाव लड्न डडेल्धुरा पुगेका स्वतन्त्र उम्मेदवार सागर ढकालले चुनाव चिन्ह ‘सिरिञ्ज’ पाएका छन् ।
बुधबार आयोगले निर्वाचन चिन्ह प्रदान गर्ने क्रममा ढकालले ‘सिरिञ्ज’ अर्थात सुई चिन्ह पाएका हुन् । पछिल्लो समय ढकाल डडेल्धुरामा चुनावी अभियानमा होमिएका छन् । डडेल्धुराबाट देउवाले निरन्तर जित्दै आएका छन् । तर, यस वर्ष भने देउवालाई आफूले पराजित गर्ने दावी गरेका छन् । यता नेकपा एमालेले भने प्रतिनिधिसभातर्फ कांग्रेस बिपीका कर्ण मल्ललाई समर्थन गर्ने भएको छ । यससँगै डडेल्धुरामा देउवा, कर्ण मल्ल र सागर ढकालबीच कडा प्रतिस्पर्धा हुने भएको छ ।
