कञ्चनपुर। कञ्चनपुरको दोधारा चाँदनी नगरपालिकामा एक पुरुष मृत अवस्थामा फेला परेका छन्। सोमबारदेखि बेपत्ता भएका दोधारा चाँदनी नगरपालिका–४ कालिका टोल बस्ने ६५ वर्षीय लालु सार्की हिजो मंगलबार मृत अवस्थामा फेला परेको कञ्चनपुर प्रहरीले जनाएको छ।
प्रहरीले उनी सोही नगरपालिका–४ लठ्ठाघाटस्थित माछापोखरीमा मंगलबार मृत अवस्थामा फेला परेको जनाएको छ। खोजी गर्ने क्रममा उनको शव उक्त पोखरीमा फेला परेको र घटनाका बारेमा प्रहरीले आवश्यक थप अनुसन्धान गरिरहेको जनाएको छ।
