धनगढी : धनगढीका एक युवकमाथी कुटपिट भएको छ । गत शुक्रबार धनगढी ५ तारानगरका रामकृष्ण चौधरी फुटवल हेर्न गएका बेला निर्घात कुटपिट भएको हो । उनको निसर्ग अस्पतालमा उपचार भइरहेको छ ।
नास्ता खान गएका बेला चौधरीले आफ्नो मोटरसाइकल साइड दिन अनुरोध गर्दै भाई बाटो छोड भन्दा उनिमाथी कुटपिट भएको बताइएको छ ।
्उनका आफन्तका अनुसार सोझो चौधरीमाथी बिना कारण कुटपिट भएको हो । बिना कारण सोझो मान्छेलाई कुटपिट गरी बोल्न नसक्ने अवस्था बनाएर दशैँ बिगारेको उनका आफन्तले बताए । ५ दिनसम्मपनि उनको होस नआएको आफन्त बताउँछन् ।
उनलाई कुटपिट गरेको आरोपमा धनगढी ५ का २२ बर्षिय मिलन चन्द, धनगढी २ का २२ बर्षिय हर्केश सिहं बाग, धनगढी ५ का २२ बर्षिय चक्र रावल र २६ बर्षिय अविशेक शाहीलाई पक्राउ गरिएको प्रहरीले जनाएको छ । उनिहरुमाथी थप अनुसन्धान भइरहेको जिल्ला प्रहरी कार्यालय कैलालीले जनाएको छ।
