कैलाली। कैलालीको लम्कीचुहा नगरपालिका ८ बचेलाका ६२ वर्षीय गणेशसिंह ठकुरी बलात्कार आरोपमा पक्राउ परेका हुन्। उनी २ जना बालिकामाथि बलात्कार गरेको आरोपमा पक्राउ परेको प्रहरीले जनाएको छ।
कैलाली प्रहरीका अनुसार गत महिना साउन ३१ गते उनले एक ७ वर्षीया र अर्की ९ वर्षीया बालिकालाई बलात्कार गरेको भन्दै उजुरी परेको थियो। भदौ ५ गते (हिजो) दुबै नाबालिका र उनीहरुका अविभावकले ईलाका प्रहरी कार्यालय लम्कीमा जाहेरी दिएका थिए। जाहेरीपछि आरोपित ६२ वर्षीय गणेशसिंह ठकुरीलाई पक्राउ गरेर थप अनुसन्धान गरिरहेको प्रहरीले जनाएको छ।
