डडेल्धुरा। डडेल्धुरा जीप दुर्घटना हुँदा ८ जना घाईते भएका छन् । आइतबार दिउँसो डोटीको दीपायलबाट डडेल्धुरा गइरहेको उग्रतारा यातायातको से १ ज ५०४ नम्बरको जीप ऐरी गाउँ मोडमा दुर्घटना हूँदा ८ जना घाईते भएका हुन् । जीप दुर्घटना हुँदा घाइते भएका ८ जनाको परिचय खुलेको प्रहरीले जनाएको छ।

प्रहरीका अनुसार जिल्लाको अमरगढी नगरपालिका वडा नम्बर १ मालमका कृष्ण सार्की, वडा नम्बर ११ का डम्मरबहादुर दमाई, गन्यापधुरा वडा नम्बर ३ का बाटु भुल, गन्यापधुरा वडा नम्बर २ की चित्रा मल्ल र नवदुर्गा गाउँपालिका वडा नम्बर ३ की शारदा पन्त उप्रेती रहेका छन्।

यस्तै गन्यापधुरा वडा नम्बर २ का पशुपति मल्ल र जनक मल्ल पनि घाइते भएका छन्। जीप चालक यदुनाथ उप्रेती पनि घाइते छन्। घाईते ८ जनाको डडेल्धुरा अस्पतालमा उपचार भइरहेको छ। त्यसमध्ये गम्भीर घाइते एक जनालाई रेफर गर्न लागिएको छ । जीप सडकबाट करिब डेढ सय मिटर तल खसेको थियो। दुर्घटनाको कारण भने खुलेको छैन।