कैलाली। कैलालीमा नदीमा डुवेर २ बालकको मृत्यु भएको छ । कैलालीको गोदावरी नगरपालिका – १ मा रहेको मनहरा नदीमा डुबेर २ जना बालकको मृत्यु भएको प्रहरीले जनाएको छ ।

नदीमा डुबेर मृत्यु हुनेमा स्थानिय पुस्कर थापाका १० बर्षीय छोरा योगेन्द्र थापा र सोही ठाउँका हेम थापाका छोरा १४ बर्षीय छोरा अयुग थापा रहेका छन । उनीहरु शुक्रबार दिउँसो मनहरा नदीमा नुहाउन गएको बेला डुवेर मृत्यु भएको ईलाका प्रहरी कार्यालय मालाखेतीले जनाएको छ ।

दिउँसो नदीमा नुहाउन गएका दुवै जना घरमा नफर्किएपछि स्थानियले खोजी गर्दा नदी किनारामा कपडा भेटिएको थियो । सोही कपडाको आधारमा खोजी गर्दा कपडा भेटिएको ठाउँभन्दा करिब ३० फुट तल नदी किनारामा राति १०ः५० बजेको समयमा शव फेला परेको ईलाका प्रहरी कार्यालय मालाखेतीले जनाएको छ । दुवै जनाको सव पोष्टमार्टमका लागि राती नै सेती प्रादेशिक अस्पताल धनगढीमा पठाईएको प्रहरीले जनाएको छ