बैतडी। बैतडीमा जिप दुर्घटना हुँदा फरार रहेका जिप साहु र चालकलाई प्रहरीले नियन्त्रणमा लिइएको छ । बैतडीको सिगास गाउँपालिका ३ लगनमा आइतबार बिहान जिप दुर्घटना हुने बित्तिकै फरार रहेका जिप साहु सिगास गाउँपालिका ३ का ४४ बर्षीय हरिभान साउँद र चालक १९ बर्षीय खगेन्द्र साउँदलाई उनीहरुको घरबाटै पक्राउ गरिएको प्रहरीले जनाएको छ।

इलाका प्रहरी कार्यालय पाटनका प्रमुख प्रहरी निरीक्षक राजेश शाहीका अनुसार दुवैजनालाई इलाका प्रहरी कार्यालयमा राखिएको र अनुसन्धान भईरहेको जानकारी दिए । आइतबार बिहान जिल्लाको सिगास गाउँपालिका ३ लगनखेलमा जिप दुर्घटना हुँदा ३ जनाको मृत्यु भएको छ भने ११ जना घाइते भएका थिए । घाइतेहरुको डडेल्धुरा अस्पतालमा उपचार भईरहेको जनाइएको छ ।