कञ्चनपुर। कञ्चनपुरमा लागुऔषध खैरो हिरोइनसहित २ जना युवक पक्राउ परेका छन् । जिल्ला प्रहरी कार्यालय कञ्चनपुर तथा मातहतबाट खटिएको प्रहरी टोलीले लागुऔषध खैरो हिरोइनसहित भीमदत्त नगरका–६ ऐठपुरका २० वर्षीय सागर तिरुवा र सोही ठाउँका २८ वर्षीय महेन्द्र बोहोरालाई पक्राउ गरेको हो ।
उनीहरको साथबाट ६.३७ ग्राम लागुऔषध खैरो हिरोइन बरामद पारेको हो । उनीहरुलाई भीमदत्त नगरपालिका–६ शिवमन्दिरबाट म २ प २०३३ नम्बरको मोटरसाइकल र म २ प ५३६८ नम्बरको स्कुटरसहित पक्राउ गरिएको जिल्ला प्रहरी कार्यालय कञ्चनपुरका प्रहरी नायव उपरीक्षक अमरबहादुर थापा क्षेत्रीले जानकारी दिए। पक्राउ परेका दुवैमाथि थप अनुसन्धान भइरहेको जिल्ला प्रहरी कार्यालय कञ्चनपुरले जनाएको छ।
