धनगढीः कैलालीको टीकापुरमा डल्लब र मोटरसाइकल एक आपसमा ठोकिदा मोटरसाइकल चालकको मृत्यु भएको छ।
जिल्लाको टीकापुर नगरपालिका–४ ठानापुर स्थित सोही ठाउँ बस्ने ४५ वर्षीय श्रीराम चौधरीले चलाएको डल्लब र बर्दगोरिया गाउँपालिका–४ मुडा बस्ने ४० वर्षीय रुपलाल बादीले चलाएको सुदूरपश्चिम प्रदेश ०१–०१२ प २१८३ नम्बरको मोटरसाईकल एक आपसमा ठोकिदा मोटरसाईकल चालक बादीको मृत्यु भएको इलाका प्रहरी कार्यालय टीकापुरले जनाएको छ।
डल्लब र मोटरसाईकल एक आपसमा ठोकिदा मोटरसाईकल चालक बादी गम्भिर घाईते भएपछि उपचारको लागि टीकापुर अस्पताल कैलाली हुँदै वयस्टर्न अस्पताल नेपालगंज, बाँके लगिएकोमा चिकित्सकले चेकजाँच गर्दा गएराति मृत घोषणा गरेको हो। घटना सम्बन्धमा प्रहरीले अनुसन्धान गरिरहेको छ।
