धनगढी । सुदूरपश्चिम प्रदेशमा विश्वविद्यालयहरूको नाममा रहेको जग्गा संरक्षणमा समस्या देखिएको छ । महालेखापरीक्षकको कार्यालयको ६३औँ प्रतिवेदनले सुदूरपश्चिम विश्वविद्यालयको स्वामित्वमा रहेको ६ लाख ५३ हजार वर्गमिटर जग्गा र टीकापुर बहुमुखी क्याम्पसको ३८० बिघा जग्गा अतिक्रमण परेकाले संरक्षणमा तदारुकता देखाउन भनेको छ ।
त्यस्तै, नेपाल संस्कृत विश्वविद्यालयको नाममा सुदूरपश्चिममा रहेको थप १२ बिघा १९ कठ्ठा जग्गा पनि हालसम्म दर्ता हुन सकेको छैन । यस्तो जग्गा अतिक्रमणको उच्च जोखिममा रहेको भन्दै महालेखाले तुरुन्तै सरकारी नाममा दर्ता र संरक्षण गर्न निर्देशन दिएको छ ।
