हेटौंडा — पेशागत बीमा अभिकर्ता सङ्घ नेपाल (विमक समिति), एसियन लाइफ इन्सुरेन्स कम्पनी लिमिटेड को तेस्रो केन्द्रीय अधिवेशन सम्पन्न भएको छ। २०८२ साल चैत ७ गते स्मारक होटेल मा आयोजित अधिवेशनबाट सातै प्रदेशका नेतृत्व चयन गरिएको जनाएको छ। अधिवेशनबाट सुदूरपश्चिम प्रदेश अध्यक्षमा लिलाधर भट्ट निर्वाचित भएका छन्। त्यस्तै उपाध्यक्षमा धनबहादुर रोक्का मगर, सचिवमा हिमा गिरी चयन भएका छन्।
सदस्यहरूमा मेनुका देवी मल्ल, नवलसिंह दास, शान्तिदेवी मल्ल, पार्वती साउद, रमिता साउँन र पार्वती देवी सुनार निर्वाचित भएका छन्। सङ्घका अनुसार अधिवेशनले संगठन विस्तार, बीमा अभिकर्ताको पेशागत हक–हित संरक्षण तथा बीमा क्षेत्रको विकासका विषयमा महत्वपूर्ण निर्णयहरू गरेको छ। कार्यक्रममा विभिन्न प्रदेशबाट आएका प्रतिनिधिहरूको उल्लेखनीय सहभागिता रहेको थियो।
अधिवेशनमार्फत सातै प्रदेशमा नयाँ नेतृत्व चयन भएसँगै बीमा अभिकर्ताहरूलाई संगठित गर्दै व्यवसायिक क्षमता अभिवृद्धि गर्ने लक्ष्य लिइएको छ। साथै, बीमा क्षेत्रमा देखिएका चुनौती समाधान गर्दै जनचेतना बढाउने विषयमा समेत जोड दिइएको आयोजकले जनाएको छ। कार्यक्रममा वक्ताहरूले बीमा क्षेत्रको विस्तारसँगै अभिकर्ताहरूको भूमिका अझ महत्वपूर्ण बन्दै गएको उल्लेख गर्दै पेशागत मर्यादा र सेवाको गुणस्तरमा सुधार आवश्यक रहेको बताएका थिए।
