धनगढी: सुदूरपश्चिम यातायातले ठूलो लगानीका बस सेवा सुरु गरेको छ। राजगद्दी एक्सप्रेस नाम दिइएको उक्त बस सेवाको एक कार्यक्रमका बिच शुक्रवार देखि सञ्चालनमा ल्याइएको छ । धनगढी बसपार्क देखी काठमाडौँ सम्म ती बसहरू सञ्चालन हुने छन्। राजगद्दी बसको लगानी १ करोड ३० लाख बढी रहेको छ। अहिले ६ वटा बसहरू सञ्चालनमा आएका छन् । सुप यातायातका अध्यक्ष पदम सापकोटाका अनुसार उक्त गाडीमा भाडा धनगढी – काठमाडौँ रु ३५ सय निर्धारण गरिएको छ। जसमा खाना र खाजा पनि दिइने छ।
गाडीमा दुई जना चालक रहने छन्। गाडीमा यात्रुहरूको लागि सुविधा सम्पन्न सिटहरू रहेका छन्। राजगद्दी एक्सप्रेस बसले यहाँको पर्यटनमा समेत टेवा दिने नाटा सुदूरपश्चिमका अध्यक्ष पदम विक्रम सिँहले बताए। कैलाली उधोग वाणिज्य संघ अध्यक्ष पुष्करराज ओझाले सुदुरपश्चिम यातायातले निजि क्षेत्रको प्रतिनिधित्व गरेर यहाँको विकासमा महत्त्वपूर्ण योगदान पुर्याएको बताए। उनले आगामी दिनमा नयाँ बसहरूमा पनि सुन्दरपश्चिम पोष्टर अभियान चलाइने बताए।
यस्तै राष्ट्रिय यातायात व्यवसायी महासंघका प्रदेश अध्यक्ष टेक राज जोशीले आफुहरूले यस क्षेत्रमा यातायात को क्षेत्रमा ठुलो लगानी गरेको भएपनि सरकारले उपेक्षा गरेको आरोप लगाए। उनले धनगढी बसपार्क माछा बजार जस्तो भएकाले यसको उचित व्यवस्थापन गरिनुपर्ने बताए। कैलाली बहुमुखी क्याम्पसका पुर्ब क्याम्पस प्रमुख डा। हेमराज पन्तले सुप यातायातले यस क्षेत्र को यातायातमा मात्रै नभएर अन्य सामाजिक क्षेत्रको विकासमा पनि योगदान पुर्याएको बताए। उनले नाम अनुसार को राजगद्दी सेवा बसले दिने विश्वास व्यक्त गरे।
सुन्दूरपश्चिम यातायात व्यवसायी संघका अध्यक्ष पदम सापकोटाले राजगद्दी बसले यात्रुहरूलाई गुणस्तरीय सेवा दिने बताए। उनले बसमा लगानी मात्रै बढाएर नहुने चालक परिचालकले पनि यात्रु मैत्री व्यवहार गर्नुपर्ने सुझाव दिए।
