धनगढी: दार्चुलाबाट लागू औषध खैरो हेरोइन सहित ३ जना पक्राउ परेका छन । शैल्यशिखर नगरपालिका–९ गोकुलेश्वरबाट खैरो हेरोइन सहित ३ जना पक्राउ परेका हुन । पक्राउ पर्नेमा बिरेन्द्र चन्द, जगदिश कोली र सुरज महर खरहेको जिल्ला प्रहरी कार्यालय दार्चुलाले जनाएको छ । जिल्ला प्रहरी कार्यालयका सूचना अधिकारी ज्ञानेन्द्रबहादुर सिंहका अनुसार मोटरसाइकलमा सवार उनीहरु ९८० मिलिग्राम खैरो हेरोइनसहित पक्राउ परेका हुन । यस सम्बन्धमा थप अनुसन्धान भइरहेको प्रहरीले जनाएको छ ।
