कैलाली : कञ्चनपुरमा वैवाहिक बलात्कारको मुद्दामा एक जना पक्राउ परेका छन् । जिल्लाको बेलौरी नगरपालिका-१० शिवनगरका ३३ वर्षीय ओबजंग शाह वैवाहिक बलात्कारको मुद्दामा पक्राउ परेका हुन् । उनलाई सोमबार नेपालगञ्जबाट पक्राउ गरिएको इलाका प्रहरी कार्यालय सुखडका प्रहरी निरीक्षक दीर्घबहादुर साउँदले बताए ।
प्रहरीका अनुसार शाहकी श्रीमतीले दिएको किटानी जाहेरीको आधारमा जिल्ला अदालत कैलालीले असार ३ गते शाहविरुद्ध पक्राउ पुर्जी जारी गरेको थियो । उनलाई सोमबार पक्राउ गरी इलाका प्रहरी कार्यालय सुखडमा ल्याई हिरासतमा राखिएको छ ।
