कैलाली। कैलालीमा लागुऔषध चरेससहित एक व्यक्ति पक्राउ परेका छन्। आइतबार कैलालीको गोदावरी नगरपालिका ५ गेटाबाट चरेससहित दार्चुलाका एक व्यक्ति पक्राउ परेका हुन्।
दार्चुलाको अपीहिमाल गाउँपालिका-३ घर भई गोदावरी नगरपालिका-५ गेटामा डेरा गरी बस्दै आएका ३६ वर्षीय डम्बर कार्की पक्राउ परेका जिल्ला प्रहरी कार्यालय कैलालीले जनाएको छ। लागु औषध चरेशको कारोबार गरीरहेको भन्ने सुचनाको आधारमा उनी बस्ने कोठाको खानतलासी गर्दा ६५० ग्राम ३०० मिलिग्राम चरेस फेला परेको प्रहरीले जनाएको छ। उक्त चरेस बरामद गरी कार्कीमाथि थप अनुसन्धान भइरहेको प्रहरीले जनाएको छ।
