धनगढी। कैलालीमा मोटरसाईकलले ठक्कर दिँदा एक जना साइकल यात्रीको मृत्यु भएको छ। कैलालीको बर्दगोरिया गाउँपालिका २ स्थित पुर्व पश्चिम राजमार्गमा बा.७८ प ३६४६ नम्बरको मोटरसाईकलले साईकल यात्री ठक्कर दिँएको प्रहरीले जनाएको छ।
जोशीपुर गाउँपालिका-४ हस्नापुरका ३६ वर्षीय साईकल यात्री डाटाप्रसाद चौधरीलाई ठक्कर दिँदा चौधरीको शुक्रबार राति मृत्यु भएको जिल्ला प्रहरी कार्यालय कैलालीले बताएको छ। ठक्करबाट गम्भीर घाइते भएका उनको बर्दगोरिया अस्पताल प्रा।लि।बौनिया हुँदै निसर्ग अस्पताल धनगढीमा उपचारको क्रममा मृत्यु भएको हो। मोटरसाईकल र मोटरसाईकल चालक लम्कीचुहा नगरपालिका-७ का चाकावारी बस्ने २७ वर्षीय सनम चौधरीलाई प्रहरीले नियन्त्रणमा लिएको प्रहरीले जनाएको छ।
