बैतडी। बैतडीमा दुई जिप एकआपसमा ठोक्किएर दुर्घटना भएको छ । बैतडीको दशरथचन्द राजमार्ग अन्तर्गत पाटन नगरपालिका ८ अनारखोलीमा दुई जिपहरु एकआपसमा ठोकिएको प्रहरीले जनाएको छ।
बझाङदेखि धनगढी जाँदै गरेको प्रदेश–०३–०१ ०२४ च १४४० नम्बरको जिप र डडेल्धुरादेखि बैतडी आउँदै गरेको म.१ज ३४९ नम्बरको जिप अनारखोलीमा बिहीबार दिउँसो एकआपसमा ठोक्किएका हुन् । जिप ठोक्किँदा जिपमा सवार एकजनालाई सामान्य चोट लागेको बताइएको छ। घाइतेको पहिचान नखुलेको जिल्ला प्रहरी कार्यालय बैतडीका प्रवक्ता प्रहरी निरीक्ष योगेश खत्रीले बताएका छन् ।
