दार्चुला। दार्चुलाका एक पुरुष एक सातादेखि वेपत्ता भएका छन्। दार्चुलाको महाकाली नगरपालिका वडा ९ चुच्चैका ४० वर्षीय भिमसिह चैसिर एक सातादेखि वेपत्ता भएको परिवारजनले बताएका छन्।
मानसिक सन्तुलन ठिक नभएका चैसिर भाद्र १ गतेदेखि सम्पर्कविहीन भएको उनका बुवा दानसिह चैसिरले बताए। परिवारका अन्य सदस्य घरमै भएका बेला उनी घरबाटै हराएको र प्रहरीको सहयोगमा खोजी गर्दा पनि अहिलेसम्म फेला पार्न नसकिएको बुवा दानसिहले जानकारी दिए। परिवारले उनलाई आसपासमा कसैले भेटे प्रहरी चौकीमा वा परिवारको मोबाइल नम्बरमा ९८४८४०५१७४ मा सम्पर्क गर्न आग्रह गरेको छ।