कञ्चनपुर। कञ्चनपुरको पुनर्वासस्थीत आईबीआरडीमा एक महिला मृत अवस्थामा फेला परेकी छिन्। कञ्चनपुरको पुनर्वास नगरपालिका–३ आईबीआरडीमा एक महिला आज (मंगलबार) बिहान मृत फेला परेकी प्रहरीले जनाएको छ।
अस्थायी प्रहरी पोष्ट आईबीआरडीको पश्चिमतर्फ सोहि ठाउँकी ३० वर्षीया लक्ष्मी घर्तीमगर सडकको बीचमा मृत फेला परेकी प्रहरीले जनाएको छ। पुनर्वास नगरपालिका–५ ग–गाउँ मामाघर जान्छु भनेर साझ घरबाट निस्किएको पारिवारिक श्रोतबाट बुझिएको छ।
उनी केहि वर्षदेखि माईतीघरमा बस्दै आएकी थिईन। उनको एक ५ वर्षको छोरा छ। ईलाका प्रहरी कार्यालय त्रिभुवनबस्ती प्रहरीले उनको शव पोष्टमार्टमका लागि अस्पताल लगेको जनाएको छ।