कञ्चनपुर। कञ्चनपुरमा प्रहरीले भन्सार छलीका सवारी नियन्त्रणमा लिएको छ । कञ्चनपुरका विभिन्न स्थानबाट सवारीसाधन नियन्त्रणमा लिनुका साथै तीन जनालाई पक्राउ गरेको छ।
प्रहरी टोलीले बिशेष सुराकीको आधारमा जिल्लाका विभिन्न स्थानबाट भन्सार छलीका दुई थान मोटरसाइकल, एक थान स्कुटर र एक थान साइकल नियन्त्रणमा लिएको हो। साथै भन्सार छलीका रेडिमेट कपडाहरु, खुला कपडा, प्लाष्टिक, नरिवलको धुलो, मिठाई, तेल, जुस, जुत्ता चप्पल समेत बरामद गरेको छ। कञ्चनपुर प्रहरीले ३ लाख ७५ हजार तीन सय एक मुल्य बराबरका समान बरामद गरिएको जनाएको छ। बरामद गरिएका सामानसहित संलग्न तीन जनालाई शुक्रबार कारवाहीका लागि भन्सार कार्यालय गड्डाचौकी पठाएको प्रहरीले जनाएको छ।
